طريقة سهلة لتزيين كيكة عيد ميلاد بجناش الشوكولاتة
بسم الله الرحمن الرحيم مكونات الجناش نصف كيلو شوكولاته بالحليب ربع كيلو كريمة خفق طريقة عمل كيكة الشوكولاتة 6 بيض بحرارة الغرفة بنخفقهم مع كوب ونص سكر وظرف فانيلا بنضربهم حوالي عشر دقائق حتى ينفش ويرتفع ويبيض لون البيض.. بنضيف نصف كوب زيت نباتي بنزله خيط على الخفاقة وهي شغالة وبعده كوب حليب سائل عليه ملعقة خل كبيرة وبنزلهم كمان خيط هيك خلص شغل الخفاقة معنا رح نضيف الطحين ونخلطه بالسباتولا وبخفة حتى ما يهبط البيض بعد كل هالضرب.. الطحين 3 كوب استخدمت كوبين طحين حلويات نصف كوب طحين رز ناعم نصف كوب كاكاو خام نوع جيد ( استخدمت هنتز) وظرف بيكينج باودر وم. ص بيكربونات الصوديوم كل المواد الجافة بننخلها مرتين مع بعض وبنضيفهم للسوائل دفعة وحدة وبنقلبهم بالسباتولا من تحت لفوق حتى يختفي ويندمج كل الدقيق.. بنصبه في قالب بالكثير قياس 20 والافضل قياس 18.. القالب مدهون زيت ومبطن بورقة زبدة.. بيدخل فرن مسخن مسبقاً على 200 لمدة خمس دقائق بعدين بنضبط الحرارة على 180.. وممنوووووع منعاً باتاً ينفتح الفرن قبل مرور 45 دقيقة.. المهم وبعد مرور 45 دقيقة بتختبريها وغالباً رح تحتاج تكمل ساعة كاملة بالفرن.. بعد الإستواء افتحي باب الفرن بشكل جزئي واتركيه مفتوح ربع ساعة بعدين طلعي الكيكة..
