كيتو دايت | طريقة تحضير دقيق جوز الهند | حليب جوز الهند | بالبيت بسهولة و سرعة مع الشيف عبير منسي
اسهل و اسرع طريقة تحضير طحين جوز الهند و حليب جوز الهند بالبيت بسرعة وسهولة للناس يلي يستخدمو للكيتو دايت ماتنسو تشتركوا بهالقناة وتفعلو جرس التنبيهات مرحبا واهلا وسهلا فيكو بالاول بنجيب حبة جوز الهند وبنشيل عنها هالفرو يلي عليها ليبين عنا هالتلات علامات يلي لونهم اسود بعدين مكان هالتلات علامات بنجيب مفك وبنعمل تلت ثقوب ماتخافو احنا غسلنا المفك كويس وفيكو تخلو حد يساعدكو بهالعملية بعدين بنفضي السائل الموجود بحبة جوز الهند للاسف هالسائل حلو كتير وما بينفع للكيتو دايت بعدين بنجيب شاكوش وبنبدأ نكسر بقشره جوز الهند وكل ما نكسر شوي بنشيلها و بنحط لبة جوز الهند بصحن بس بدكم تديرو بالكم يا جماعة لتجرحو حالكو وبعد ما خلصنا تكسير بدنا نشيل هالطبقة البنية لانها ما بتتاكل او قشارة بطاطا ليصيرو متل هيك بعدين بنقطع هالقطع لقطع أصغر وبنحطهم بالخلاط و بنحط عليهم كوبين مي وبنخلطهم منيح بعدين بنحط هالخليط بمصفاة ويبنعصر منيح ليطلع منو اكبر كمية ممكنة من السائل وهيك بصير عنا لب جوز الهند وحليب جوز الهند ممكن تحطو حليب جوز الهند بالتلاجة عشان بدنا نستخدمو بوصفات تانية بعدين على نار هادية وبمقلاة فاضيه بنحط لب جوز الهند وبنضل نحرك فيه من 15 إلى 20 دقيقة لينشف ويصير متل هيك والخطوة يلي بعدها بنحط جوز الهند يلي طلع بالخلاط وبنطحنو طبعا فيكو تستخدمو مطحنة قهوة متل هاي بس احنا مش موجودة عنا فاستخدمنا هاي بعدين بنحط جوز الهند بمنخل وبنصير نحرك فيه لتنزل الاجزاء الناعمة وبنرجع الاجزاء الخشنة وبنفرمهم من جديد وبنضل نكرر هالعمليه لتخلص كل الكمية ويصير عنا طحين متل هيك. -- التعليق ميشيل جبلي تقديم الشيف عبير منسي -- تابع أحدث وصفات إنقاص الوزن والطعام الصحي علي الفيس بوك : https://www.facebook.com/sweethandsvi... تابع جديد الشيف عبير منسي علي الإنستغرام : https://www.instagram.com/sweet._.hands/ #كيتو_دايت #رجيم_الكيتو #وصفات_كيتو_دايت
